நீங்கள் தேடியது "ராஜன் செல்லப்பா"

மதுரை:

மதுரை வடக்கு சட்டமன்ற தொகுதி மேம்பாட்டு நிதி ரூ.30 லட்சம் செலவில் செல்லூர் பகுதியில் 3 பேவர் பிளாக் சாலை அமைக்கப்பட்டு உள்ளது. இதனை இன்று ராஜன் செல்லப்பா எம்.எல்.ஏ. திறந்து வைத்தார்.

அப்போது அவர் நிருபர்களிடம் கூறியதாவது:-

அ.தி.மு.க. அரசு மக்களுக்கு தேவையான அனைத்து திட்டங்களையும் சிறப்பாக செய்து வருகிறது. அதன் ஒரு பகுதியாக இன்றைக்கு செல்லூர் பகுதியில் 3 பேவர் பிளாக் சாலை ரூ.30 லட்சம் செலவில் அமைக்கப்பட்டு உள்ளது.

தொகுதி முழுவதும் அடிப்படை வசதிகள் செய்து தர அனைத்து நடவடிக்கைகளும் எடுக்கப்பட்டு வருகிறது.

அ.தி.மு.க. எம்.ஜி.ஆரால் உருவாக்கப்பட்டு மறைந்த முதல்வர் ஜெயலலிதாவால் வளர்க்கப்பட்ட மாபெரும் இயக்கமாகும். இந்த இயக்கத்தில் தொண்டராக இருப்பது பெருமை.

அ.தி.மு.க.வின் எம்.ஜி. ஆர்., இரட்டை இலையை மறந்து வேறு கட்சிக்கு எந்த தொண்டனும் செல்ல மாட்டார்கள். ஆனால் எங்களிடம் பிரிந்து சென்ற சிலர் தி.மு.க.வில் சேரப்போவதாக தகவல் வந்துள்ளது. அதற்கு காரணம் அவர்கள் ஏற்றுள்ள தலைமையின் சுய நலமும் தான்.

மதுரையை பொறுத்த வரை அ.தி.மு.க. நிர்வாகிகள் அனைவரும் ஒற்றுமையாக உள்ளோம். அமைச்சர்கள், எம்.எல்.ஏ.க்கள் போட்டி போட்டுக் கொண்டு மக்கள் பணி செய்து வருகிறார்கள்.

கஜா புயல் பாதிப்புக்கான நிவாரண தொகை மத்திய அரசு உடனே அறிவிக்க வலியுறுத்தி நாடாளு மன்றத்தில் அ.தி.மு.க. எம்.பி.க்கள் கோரிக்கை விடுத்துள்ளனர். உள்துறை அமைச்சர் ராஜ்நாத்சிங் நடவடிக்கை எடுப்பதாக கூறியுள்ளார்.

தமிழ்நாடு என்றாலே மத்திய அரசு மாற்றாந்தாய் மனப்பான்மையோடு பார்க்கிறது. மத்தியில் எந்த கட்சி ஆட்சி செய்தாலும் இதே நிலைதான்.

எனவே தான் நாங்கள் அம்மா பிரதமராக வர வேண்டும் என பாடுபட்டோம். அந்த முயற்சி நடக்காமலே போய்விட்டது. விரைவில் எம்.பி.க்கள் தேர்தல் வர உள்ளது.

வருகிற தேர்தலில் அ.தி. மு.க. கூட்டணி அமைத்து தான் போட்டியிட வேண்டுமென்று அவசிய மில்லை. குறிப்பாக தேசிய கட்சிகளுடன் கூட்டணி அமைக்க அ.தி.மு.க.வுக்கு அவசியமில்லை.

1 1/2 கோடி தொண்டர்கள் உள்ள மிகப்பெரிய இயக்கம் அ.தி.மு.க. மக்கள் செல்வாக்கு உள்ளது. எனவே தனித்து நின்று எந்த தேர்தலையும் சந்திப்போம்.

தெலுங்கானாவில் கூட சந்திரசேகரராவ் தனித்து நின்று வெற்றி பெற்று உள்ளார். அ.தி.மு.க.வும் தனித்து நின்று போட்டியிடும். தேவைப்படும் பட்சத்தில் ஒத்த கருத்துடைய கட்சியுடன் கூட்டணி வைப்பது குறித்து அ.தி.மு.க. மேலிடம் முடிவு செய்யும்.

இவ்வாறு அவர் கூறினார்.

முன்னதாக பேவர் பிளாக்சாலை திறப்பு நிகழ்ச்சியில் அ.தி.மு.க. நிர்வாகிகள் வக்கீல் ரமேஷ், நிலையூர் முருகன், ஜெயவேல், ஒச்சாத்தேவர், ஆறுமுகம், சோலைராஜா உள்பட பலர் கலந்து கொண்டனர். #rajanchellappa

மதுரை:

மதுரை கே .புதூர் அருகே உள்ள மூன்றுமாவடியில் தனியார் பள்ளியில் அரசு வழங்கும் விலையில்லா சைக்கிள்களை மாணவிகளுக்கு மதுரை வடக்கு சட்டமன்ற உறுப்பினரும் அ.தி.மு.க. புறநகர் மாவட்ட செயலாளருமான ராஜன்செல்லப்பா இன்று வழங்கினார். பின்னர் அவர் நிருபர்களிடம் கூறியதாவது:-

கஜா புயலால் பாதித்த அனைத்து பகுதிகளுக்கும் தேவையான நிவாரண பொருட்கள் வழங்கப்பட்டு உள்ளது. இந்த அரசை விமர்சிக்க எந்த அரசியல் தலைவருக்கும் அருகதை இல்லை.

எதிர்க்கட்சித் தலைவர் குறை இருந்தால் அந்தக் குறையை சுட்டிக் காட்ட வேண்டும். ஆனால் அதையே திரித்து சொல்லக்கூடாது. மத்திய அரசு இன்னும் நிவாரண நிதியை அறிவிக்காத போதிலும் தமிழக அரசு அனைத்து பகுதிகளிலும் நிவாரணத்தை அளித்து வருகிறது.

மத்திய அரசிடம் நிவாரணம் கேட்பது நமது கடமை. மத்திய அரசு அதில் எவ்வளவு நிதியை கொடுத்தாலும் தமிழக அரசு யாரையும் விட்டுக் கொடுக்காமல் அனைவருக்கும் நிவாரணம் முழுமையாக கொடுத்து வருகிறது.

மத்திய அரசு வரும் காலகட்டங்களில் தானாக தேடி வந்து கேட்ட அளவிற்கு முழுமையான நிதியை கொடுக்கும் நிலை வரும்.

தமிழகத்தில் தற்போதுள்ள முதல்- அமைச்சர் எடப்பாடி பழனிச்சாமியை அண்ணா, கலைஞர், எம்.ஜி. ஆர்., ஜெயலலிதாவுடன் ஒப்பிடக்கூடாது.

தற்போது உள்ள ஸ்டாலின், வைகோ தமிழிசை சவுந்தரராஜன், புதிதாக உருவாகி இருக்கிற தலைவர்களை விட அவருக்கு அனைத்து செயல் திறமையும் உள்ளது.

மத்திய அரசு தமிழக அரசிற்கு முழுமையான நிதியை தர வேண்டும். உதவ வேண்டும் என எதிர்பார்க்கிறோம். ஆனால் மத்திய அரசு தொடர்ந்து தமிழக அரசை வஞ்சித்து வந்தால் தமிழக அரசு நிச்சயமாக மத்திய அரசோடு போராடும்.

மேற்கண்டவாறு அவர் கூறினார். #rajanchellappamla #tngovt #centralgovernment 

திருப்பரங்குன்றம்:

மதுரை புறநகர் மாவட்டம் திருப்பரங்குன்றம் ஒன்றிய அ.தி.மு.க. சார்பில் ஆலோசனை கூட்டம் நடந்தது. ஒன்றிய செயலாளர் ராமகிருஷ்ணன் தலைமை தாங்கினார். வக்கீல் பிரிவு இணைச் செயலாளர் ரமேஷ் பொதுக்குழு உறுப்பினர் முத்துக்குமார், முன்னாள் வாரியத்தலைவர் பூமி பாலகன் ஆகியோர் முன்னிலை வகித்தனர். ஒன்றிய துணை செயலாளர் நிலையூர் முருகன் வரவேற்றார்.

கூட்டத்தில் புறநகர் மாவட்ட செயலாளர் ராஜன் செல்லப்பா எம்.எல்.ஏ. பேசியதாவது:-

1972 முதல் திருப்பரங்குன்றம் தொகுதி அ.தி.மு.க.வின் எக்கு கோட்டையாக உள்ளது. அ.தி.மு.க.வின் நிறுவனர் எம்.ஜி.ஆர்., முன்னாள் முதல்வர் ஜெயலலிதா ஆகியோர் வழியில் தமிழக முதல்வர் எடப்பாடி பழனிசாமி, துணை முதல்வர் பன்னீர் செல்வம் ஆகியோர் கட்சியை வழி நடத்தி மக்கள் நலத் திட்டங்களை குறை வில்லாமல் சிறப்புடன் செய்து வருகின்றனர். தாலிக்கு தங்கம் பெண்களுக்கு இருசக்கர வாகனம் உள்ளிட்ட பல்வேறு நலத் திட்டங்கள் பொது மக்களை தேடி செல்கிறது.

இதுபோன்ற அ.தி.மு.க. வின் திட்டங்களை கட்சியினர் வீடு வீடாக சென்று எடுத்துக்கூறி வரும் மக்களவைத் தேர்தலில் வாக்கு சேகரிக்க வேண்டும்.

இவ்வாறு அவர் கூறினார்.

கூட்டத்தில் எம்.ஜி.ஆர். மன்ற மாவட்ட செயலாளர் சந்திரன், முன்னாள் அறங்காவலர் பாரி, ஜெயக்குமார், கிருஷ்ணன், ரவி உட்பட பலர் கலந்து கொண்டனர்.